ທ່ານ ສີຈິ້ນຜິງ ສົ່ງສານຊົມເຊີຍເຖິງເວທີປຶກສາຫາລືການ
ຮ່ວມມືດ້ານອຸດສາຫະກຳ ແລະ ການລົງທຶນ
ໃນວັນທີ 16 ກຸມພາທີ່ຜ່ານມານີ້, ທ່ານ ສີຈິ້ນຜິງ ປະທານປະເທດຈີນ ໄດ້ສົ່ງສານຊົມເຊີຍເຖິງກອງປະຊຸມເວທີເປິກສາຫາລືການຮ່ວມມືດ້ານອຸດສາຫະ
ກຳ ແລະ ການລົງທຶນ “ຈີນ + 5 ປະ ເທດອາຊີກາງ”. ເນື້ອໃນສານດັ່ງກ່າວໄດ້ລະບຸວ່າ: ນັບແຕ່ຈີນ ແລະ 5 ປະເທດອາຊີກາງໄດ້ສ້າງສາຍພົວພັນທາງ
ການທູດນຳກັນມາເປັນເວລາ 30 ກວ່າປີ, ເຊິ່ງມີການພົວພັນແບບຄູ່ຮ່ວມຍຸດທະສາດຕາມລຳດັບ, ໄດ້ບຸກເບີກເສັ້ນທາງອັນໃໝ່ທີ່ມີໄມຕີຈິດມິດຕະ
ພາບຖານບ້ານໃກ້ເຮືອນຄຽງທີ່ດີຕໍ່ກັນ ແລະ ມີການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ, ສ້າງເປັນຕົວແບບຂອງການພົວພັນສາກົນ
ແບບໃໝ່. ຈີນ ແລະ 5 ປະເທດອາຊີກາງ ໄດ້ລົງເລິກການຮ່ວມມືດ້ານອຸດສາຫະກຳ ແລະ ການລົງທຶນ ເຊິ່ງສາມາດປົກປັກຮັກສາຕ່ອງໂສ້ອຸດສາຫະກຳ ແລະ
ຕ່ອງໂສ້ການສະໜອງຜະລິດຕະພັນຕ່າງໆຂອງພາກພື້ນໃຫ້ມີຄວາມໝັ້ນທ່ຽງຢ່າງເຂັ້ມແຂງ, ຍົກລະດັບການພັດທະນາດ້ານອຸດສາຫະກຳຂອງປະເທດຢູ່ໃນ
ພາກພື້ນໃຫ້ສູງຂຶ້ນ ແລະ ການເຂົ້າຮ່ວມການພັດທະນາເສດຖະກິດຂອງໂລກ, ຊຸກຍູ້ການພັດທະນາ ແລະ ຄວາມຈະເລີນຮຸ່ງເຮືອງຮ່ວມກັນ. ຈີນຍິນດີຮ່ວມ
ກັບປະເທດອາຊີກາງຊົມໃຊ້ຕະຫຼາດຂະໜາດໃຫຍ່, ລະບົບອຸດສາຫະກຳທີ່ຄົບຊຸດ ແລະ ເຕັກນິກທີ່ກ້າວໜ້າທັນສະໄໝຮ່ວມກັນ, ລົງເລິກການຮ່ວມມືຕົວ
ຈິງແບບຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ, ຮ່ວມກັນຊຸກຍູ້ການພັດທະນາເສດຖະກິດທີ່ມີຄຸນນະພາບສູງຂອງພາກພື້ນ, ເພື່ອສ້າງປະຊາຄົມຮ່ວມຊາ
ຕາກຳຈີນ-ອາຊີກາງ ທີ່ມີຄວາມແໜ້ນແຟ້ນຫຼາຍຂຶ້ນກວ່າເກົ່າ. ເວທີປຶກສາຫາລືການຮ່ວມມືດ້ານອຸດສາຫະກຳ ແລະ ການລົງທຶນ “ ຈີນ+5 ປະເທດອາ
ຊີກາງ” ໄດ້ໄຂຂຶ້ນຢູ່ນະຄອນຊິ່ງຕາວ, ແຂວງຊ່ານຕຸ່ງ ໃນວັນທີ 16 ກຸມພາທີ່ຜ່ານມາ ພາຍໃຕ້ຫົວຂໍ້ “ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ, ຮ່ວມ
ກັນຊຸກຍູ້ການພັດທະນາເສດຖະກິດທີ່ມີຄຸນນະພາບສູງຂອງພາກພື້ນ”, ໂດຍແມ່ນຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ, ອົງການປົກຄອງ
ແຂວງ ຊ່ານຕຸ່ງ ຮ່ວມກັນເປັນເຈົ້າພາບ.
ແຫຼ່ງທີ່ມາ: ໜັງສືພິມກອງທັບ
ວັນທີ 20/02/2023